Еуразиялық экономикалық одақтың санитарлық-эпидемиологиялық салауаттылығы саласындағы уәкілетті органдар басшылары кеңесінің кезекті отырысы өтті, деп хабарлайды Еуразиялық экономикалық комиссияның баспасөз қызметі.
Пікірталас кезінде ЕАЭО-ға қатысушы елдердің, оның ішінде Қазақстан Республикасының, бас санитарлық дәрігерлері коронавирус індетінің таралуына байланысты енгізілген қолданыстағы шектеулерді жеңілдетуді талқылады.
Комиссия Одаққа мүше мемлекеттер арасындағыз халықаралық теміржол қатынасын қайта бастауды көздейтін құжат жобасын әзірледі және оны ЕАЭО елдерінің сарапшыларымен пысықтауға дайын.
Сондай-ақ отырыста Одақ елдерінің бас санитарлық дәрігерлері Еуразиялық Үкіметаралық кеңестің ЕАЭО мемлекеттерінде коронавирустың таралуына қарсы күреске бағытталған кешенді іс-шаралар жоспарын бекіткені туралы хабардар болды.
ЕАЭО санитарлық-эпидемиологиялық салауаттылық саласындағы уәкілетті орган басшылары Кеңес мүшелеріне ЕЭК Алқасы одақтың кедендік шекарасындағы “жасыл дәліздердің” жұмыс істеуіне қойылатын уақытша санитарлық-эпидемиологиялық талаптарды мақұлдағаны туралы ақпарат берді.
Сурет: krymsos.com
