Бүгін Беларусь Президенті Александр Лукашенко Қазақстанның Беларусьтегі Төтенше және Өкілетті елшісі Ермұхамет Ертісбаевпен кездесу өткізгені белгілі болды. Кездесу барысында Александр Лукашенко Қазақстаннан мұнай жеткізу бойынша келіссөздерді жандандыруды ұсынды, деп хабарлайды «Zakon»ақпарат агенттігі.
«Өздеріңіз білесіздер, біз қазір көмірсутегі шикізатын жеткізуді әртараптандырумен айналысудамыз. Біз басқа көздерден Беларуське мұнай жеткізу жөнінде келіссөздер жүргізудеміз. Биыл біз мұнай өңдеу зауыттарын жаңғыртуды аяқтаймыз. Сондықтан бізге әлемдік нарықтардан мұнай сатып алу жеңілірек болады. Осыған байланысты келіссөздер жүргізіп жатырмыз және Қазақстан мұнайын Беларуське жеткізуді белсендендіруді қалар едім. Бұл мәселені біз шеше аламыз деп ойлаймын», — деді Александр Лукашенко.
Сондай-ақ, Беларусь Президенті Қазақстан мен Беларусь арасындағы сауда-экономикалық қатынастарда проблемалардың жоқ екенін мәлімдеді.
«Сіз Қазақстанда бізге өте қажет тауарлардың көп өндіретінін білуіңіз керек. Мақтадан бастап,металдарға дейін. Біз Кеңес дәуіріндегі сияқты, сіздерден астық сатып алуға дайынбыз, сіздерде астық көп және әрдайым болады да. Сондықтан сауда балансын реттеу проблема емес. Менің ойымша, үкіметаралық комиссияға осы мәселелермен айналысуды тапсыру керек», — деп атап өтті Беларусь Президенті.
Александр Лукашенко Қазақстан мен Беларусь әрдайым жақсы қарым-қатынаста екенін атап өтті. Сондай-ақ, ол екі ел арасындағы тауар айналымы миллиард долларға жеткенін және бұл шек емес екенін айтты.
Беларусь Президенті Беларусь пен Қазақстан арасындағы тауар айналымы 2018 жылы 900 млн долларға жеткенін хабарлады. Сонымен қатар, Беларусь экспорты 783 млн доллардан асты.
Беларусь Президенті Қазақстан мен Беларусь арасындағы тауар айналымы 2018 жылы 900 млн долларға жеткенін хабарлады. Ал Беларусь экспорты 783 млн доллардан асты.
Сурет: Teknoblog.kz
