Қазақстанның Ақпарат және қоғамдық даму министрі Дәурен Абаев Нұр-Сұлтанда бейбіт жиналыстарға қатысты жаңа заң жобасын жақсарту мәселелері бойынша талқылау өткізді. Бұл туралы “Қазақпарат” ақпарат агенттігі хабарлайды.
Пікірталасқа Қазақстандағы “БҰҰ-әйелдер” құрылымының жобалық менеджері Гүлнар Смаилова, Нұр-Сұлтандағы ЕҚЫҰ бағдарламалар кеңсесінің жетекшісі Дьердь Сабо, омбудсмен Эльвира Әзімова және еліміздің СІМ басшысының орынбасары Ержан Ашықбаев, сондай-ақ бірқатар елдердің дипломаттары қатысты.
Талқылау кезінде Дьердь Сабо заң жобасының әзірленуіне оң баға берді және ЕҚЫҰ-ның осы процеске үлес қосуға дайын екендігін мәлімдеді. Ол ұйымның осы заң жобасына талдау жасай алатын институттары мен жекелеген бөлімшелері бар екенін айтты.
Әзірленіп жатқан заң жобасына қатысты Гүлнәр Смаилова да сөз сөйледі. Ол халыққа бейбіт жиналыстар өткізу ережелерін түсіндіру бойынша іс-шаралар өткізу қажет деп санайды.
“Мүмкін қоғамдық кеңестерде, мәслихат алаңында тыңдаулар өткізіп, адамдардың бейбіт түрде жиналуы, өз пікірін цензуралық әдістермен қалай білдіруі керектігі туралы айту керек болар”, – деп түсіндірді Смаилова.
Сурет: pravda.com.ua
