Ақмола облысында ең көне жерлеу орнында депутаттар үшін коттедж қалашығын салуға жер учаскесін кім бөлгенін анықтап жатыр, деп хабарлайды ratel.kz ақпарат ресурсы.
Атап айтқанда, халық қалаулыларына арналған коттедждер Беғазы-Дәндібай мәдениетінің тарихи ескерткіші аумағында салынуда. Осыған байланысты Ақмола облысының тарихи-мәдени мұраны қорғау және оны пайдалану орталығының басшысы Серік Ысқақов біздің мемлекетіміздің заңнамасына сәйкес, құрылысқа жер бөлер алдында осы аумақта тарихи-мәдени нысандар бар-жоғын білу үшін археологиялық жұмыстар жүргізілуі керек екенін еске салды.
Сондықтан ежелгі жерлеу орнында коттедждер салу фактісі бойынша тексеру жүргізіледі. Искаков егер тексерушілер тарихи құндылығы бар объектілерді тапса, онда осы аумақта құрылыс жұмыстарына тыйым салынатынын атап өтті.
Ол сондай-ақ Бурабай ауданының әкімдігіне хат жолдап, жергілікті билік органдарынан осы жер учаскесін кім бөлгенін түсіндіруді сұрады. Алайда ол әлі жауап алған жоқ.
