Қазақстан Республикасы Еңбек және халықты әлеуметтік қорғау министрлігінің басшысы Бердібек Сапарбаев Шымкент қаласының әлеуметтік нысандарындағы Арыс босқындарымен кездесу өткізді. Бұл туралы Еңбек және халықты әлеуметтік қорғау министрлігінің баспасөз қызметі хабарлады.
Кездесу аясында Сапарбаев әскери қоймалардағы төтенше жағдайдан зардап шеккен Арыс азаматтарына республика болып көмек көрсететінін мәлімдеді.
«Көмек бүкіл ел азаматтарынан түсіп жатыр. Барлық қаражат пен гуманитарлық көмек сіздердің арасында ашық және әділ бөлінеді. Ол үшін сіздің өкілдеріңіз кіретін қоғамдық комиссия құрылады. Бұл мәселе ерекше бақылауда», – деді Сапарбаев.
Еңбек және халықты әлеуметтік қорғау министрі әскери бөлім, осындай қорқынышты оқиғаның қайталанбауы үшін, Арыс қаласынан көшірілетіндігін айтты.
«Президенттің тапсырмасы бойынша әскери бөлімді Арыс қаласынан қауіпсіз жерге көшіру мәселесін шешетін комиссия жұмыс істеп жатыр. Басты міндет — болашақта қайғының қайталануына жол бермеу. Экологиялық жағдай да назардан тыс қалмайды. Сіздерден шыдамды болуды сұраймын, жақын арада жағдай қалыпқа түседі », — деді министр.
Кездесу соңында Бердібек Сапарбаев барлық Арыс босқындарын арандатуға жол бермеуге және белгісіз дереккөздерге сенбеуге шақырды.
«Арысты қалпына келтіру ел президенті Қасым-Жомарт Тоқаевтың жеке бақылауында. Үкіметке тиісті тапсырма берілді, қаланы, әлеуметтік нысандарды, тұрғын және инженерлік инфрақұрылымды жөндеу және қалпына келтіру үшін барлық қажетті қаражат бөлінеді. Сізден қандай да бір арандатушылыққа ұшырамауыңызды және өсек-аяңдарға сенбеуді сұраймын. Үкімет пен жергілікті органдар қажет нәрселердің барлығын жасайды», – деді Сапарбаев.
Сурет: nur.kz
