Еңбек және халықты әлеуметтік қорғау министрлігі басшысының орынбасары Ержан Жылқыбаев ірі кәсіпорындардың басшылары еліміздің бизнес қауымдастығымен бірлесе отырып, көп балалы жұмысшыларына 38 миллиард теңгеден астам қаражат бөлуге дайын екенін мәлімдеді.
“Мемлекет тарапынан әлеуметтік көмектің 39 түрі ұсынылатын болады. Осы мақсаттарға жыл сайын 3,3 трлн теңге бөлінеді, бұл бюджеттің шығыс бөлігінің 27 пайызын құрайды. Ана мен баланы қолдаудың әлеуметтік бағыты бірнеше кезеңде жүзеге асырылады. Көп балалы аналар үшін ақшалай көмектен басқа түрлі жеңілдіктер қарастырылған”, – деді Жылқыбаев.
Сонымен қатар, министрдің орынбасары 2025 жылға дейін көп балалы отбасылар бар әр түрлі кәсіпорындардың қызметкерлері үшін 40 мың пәтер салынатынын хабарлады. Сондай-ақ, 56 мың көп балалы отбасы тұрғын үйді жеңілдікті шарттармен ипотекаға сатып алу құқығына ие болады.
Министрлік жанынан құрылған жұмыс тобымен бірге “Бақытты бала”, “Бақытты ана”, “Бақытты отбасы”, “Бақытты ел” бағдарламаларының кешені дайындалып, енгізілді. Еліміздің ірі кәсіпорындары және бизнес қауымдастықтары меморандумға қол қойылды. Меморандум аясында аталған ұйымдар көп балалы қызметкерлерге тұрғын үй алуға көмектеседі. Қазіргі уақытта аталған мақсатты жүзеге асыруға 38 млрд теңгеден астам қаржы бөлінді”,- деп қортындылады вице-министр.
Сурет: toppress.kz
