Біздің республиканың еңбек министрі Біржан Нұрымбетов қазақстандықтар зейнетақы жинақтарының бір бөлігін қандай мақсаттарға жұмсай алатыны туралы хабарлады. Бұл туралы lsm.kz ақпарат агенттігі жазады.
Оның айтуынша, азаматтар жинақтардың бір бөлігін жер учаскесін немесе жылжымайтын мүлікті сатып алуға жұмсай алады. Сондай-ақ осы ақшаның есебінен қазақстандықтарға ипотекаға бастапқы жарна енгізуге немесе керісінше қолданыстағы тұрғын үй қарызын өтеуге рұқсат етіледі.
Бірыңғай жинақтаушы зейнетақы қорының салымшылары жинақтардың бір бөлігін өз үйлерін кеңейтуге немесе жөндеу жұмыстарын жүргізуге жұмсай алады.
Нұрымбетовтың айтуынша, бұл қаражаттың мақсатты пайдаланылуын қамтамасыз ету үшін, салымшының өтінімі бойынша зейнетақы қорымен біріге іс-әрекет жасайтын бірыңғай оператор көзделген.
Өздерінің зейнетақы жинақтарының бір бөлігін барлығы 720 мыңнан астам салымшы пайдалана алады, бұл шамамен 1,4 триллион теңгені құрайды.
Бұған дейін Еңбек министрлігінің басшысы Қазақстанда коронавирус індетінің жаңа өршуі орын алған жағдайда, үкімет азаматтарды қолдау бойынша шаралар қабылдайтынын айтқан болатын.
