Қазақстан Еңбек және халықты әлеуметтік қорғау министрлігі түрлі мессенджерлер мен әлеуметтік желілерде біздің елімізде зейнетақы жасының өзгеруі туралы таратылған ақпарат шындыққа жанаспайтынын айтты. Қолданыстағы заңнамаға сәйкес ерлер үшін зейнеткерлік жасқа 63 жаста, әйелдер үшін бүгінгі күні – 59,5 жаста қол жеткізіледі, кейіннен 2027 жылы 63 жасқа дейін біртіндеп артады. Бұл туралы “ҚазАқпарат”жаңалықтар ресурсы хабарлайды.
Қазіргі уақытта Қазақстанда ынтымақты, базалық және жинақтаушы зейнетақы төлемдері кіретін 3 деңгейлі зейнетақы жүйесі жұмыс істейді. Зейнетақының жалпы мөлшері еңбек өтіліне байланысты.
Елдегі ынтымақты зейнетақы жүйесі кезең-кезеңімен жойылады, өйткені оларды тағайындау кезінде 1998 жылғы 1 қаңтарға дейін – жинақтаушы жүйе енгізілгенге дейін әзірленген еңбек өтілі назарға алынады.
Осыған орай, міндетті зейнетақы жарналары есебінен қалыптасатын жинақтаушы зейнетақының маңыздылығы күшейтілуде, деп ведомствода атап өтті.
Базалық зейнетақы зейнет жасына жеткен барлық қазақстандықтарға еңбек өтілін ескере отырып, ең төменгі күнкөріс деңгейінің 54-тен 100 пайызға дейінгі мөлшерінде беріледі.
Қартайған шағында зейнетақының барабар мөлшерін алу үшін зейнетақы жинақтарының жеткілікті көлемін сақтау мақсатында 2014 жылы қабылданған Қазақстанның зейнетақы жүйесін одан әрі жаңғыртудың 2030 жылға дейінгі тұжырымдамасында әйелдердің зейнетақы жасын 2018 жылдан бастап 2027 жылға дейін жыл сайын алты айға арттыру көзделеді.
Сурет: lenta.inform.kz
