Республикамыздың Еңбек министрлігінің өкілдері карантиндік шектеулерге байланысты кірістерінен айырылған азаматтарға әлеуметтік жәрдемақы төлеу бойынша жүргізіліп жатқан жұмыстар туралы хабарлады, деп жазады informburo.kz ақпарат агенттігі.
42,5 мың теңге көлеміндегі мемлекеттік төлем біздің елімізде Үкіметтің шешімімен табыс көзінен айырылған азаматтарға қолдау көрсету үшін енгізілді.
Еңбек министрлігі бұл әлеуметтік жәрдемақыны ресімдеуге 2,3 миллионнан астам өтініш берілгенін айтады. Бұл ретте 2,1 миллионға жуық адам 42,5 мың теңге көлемінде төлем алды.
Еңбек министрлігі карантиндік режимге байланысты кірістен айырылу бойынша мемлекеттік төлем алуға өтінім қабылдау биылғы жылдың 1 қыркүйегіне дейін жалғасатынын айтты.
Бұған дейін президент Қасым-Жомарт Тоқаевтың тапсырмасы бойынша Қазақстанда карантин тағы екі аптаға ұзартылғаны хабарланған болатын, осыған байланысты азаматтар карантиндік шектеулерге байланысты табыс көзінен айырылу бойынша әлеуметтік жәрдемақы ала алады.
Алайда, Қазақстан Республикасында карантиндік режим 17 тамызға дейін созылатындықтан, азаматтар 42500 теңгенің жартысы 21250 теңге алады.
Сурет: sputniknews.kz
