Еңбек және халықты әлеуметтік қорғау министрі Біржан Нұрымбетов ел бойынша бірнеше көрсеткіштерді қайта қарау қажеттігін мәлімдеді.
«2018 жылы ең төменгі күнкөріс деңгейі 16% — ға артты. Ал азық-түлік себеті соңғы рет 2006 жылы қайта қаралды, сол кезде азық-түлік атауларының саны 20-дан 43-ке дейін артты. Бізде 2016-2017 жылдардағы зерттеу бар және азық – түліктің атауын 43-тен 51-ге дейін арттыру жөнінде нақты ұсыныстар бар», — деді ол.
Сондай-ақ Нұрымбетов осы жағдайға байланысты Еңбек және халықты әлеуметтік қорғау министрлігі әр түрлі нұсқаларды есептейтінін атап өтті.
«Қазақстанда ең төменгі күнкөріс деңгейі бес әлеуметтік төлемге тәуелді – бұл базалық зейнетақы төлемі, мүгедектігі бойынша, асыраушысынан айрылуына байланысты Мемлекеттік әлеуметтік жәрдемақы, мүгедек балаларды күту және АӘК бойынша жәрдемақы. Осы бес төлем бойынша төлемдердің жалпы сомасы жылына 1,3 триллион теңгені құрайды. Сондықтан мұнда бюджеттік мүмкіндік рөл атқарады. Дегенмен, 2020 жылдың қорытындысы бойынша кедейлік шегін бүгінгі күн көріс минимумынан 70% – дан ең төменгі күнкөріс минимумынан 100% — ға дейін арттыру мәселесін қарастыру қажет», — деп түйіндеді ол.
Сурет: inbusiness.kz
