Еңбек министрлігінің басшысы Біржан Нұрымбетов жақында Мәжіліс депутаты Айқын Қоңыровтың еліміздегі зейнеткерлік жасты төмендету туралы ұсынысы жөнінде айтты, деп хабарлайды lsm.kz ақпарат ресурсы.
Депутаттың пікірінше, Қазақстандағы зейнетақы жасын 60 жасқа дейін төмендету керек. Алайда Нұрымбетов олай ойламайды. Жалпы, министрдің айтуынша, мұндай мәселелерді шешу өте ұзақ процесс, ол әрдайым зерттеулер мен ұзақ мерзімді болжамдарға негізделуі керек.
Сондай-ақ, Нұрымбетовтың айтуынша, зейнеткерлік жасты төмендету немесе керісінше арттыру туралы мәселелерді шешу үшін еңбек нарығындағы жағдайды ескеру қажет.
“Мысалы, егер 10 жыл бұрын елімізде зейнеткерлердің жұмыс істейтіндерге арақатынасы 20% – ды немесе бір зейнеткерге бес адамды құраса, қазір бұл көрсеткіш 30% – дан асты. Екінші жағынан, халықтың қартаюы біздің елге де қатысты. Бізде, статистика бойынша, 65 жастан асқан азаматтардың саны мен үлесі 7% – дан асты. Егер бес жыл бұрын 6,8% болса, қазір 7,7%. Мұндай үрдіс бүкіл әлемде байқалуда”, – деді министр.
Еңбек министрлігінің басшысы қазіргі уақытта зейнетақы жасын төмендету мәселесін біздің мемлекетімізде ешкім қарастырып жатқан жоқ деп баса атап өтті.
Сурет: kazlenta.kz
