Біздің мемлекетіміздің Еңбек министрлігінің басшысы Біржан Нұрымбетов Мәжілістегі Үкімет сағатында сөйлеген сөзінде өзі басқарып отырған ведомство жұмыс орындарының тапшылығы бойынша алдағы бес жылға талдау жасағанын айтты, деп хабарлайды forbes.kz ақпарат агенттігі.
Осы талдауға сәйкес, еңбек нарығындағы жастардың жыл сайынғы ағыны 2025 жылға қарай 256 мың адамға дейін өседі, нәтижесінде еңбекке қабілетті халықтың өсуі 12,1 миллион адамға дейін артуы мүмкін.
Алайда, Біржан Нұрымбетов жаңа жұмыс орындарын құру көлемі барлық азаматтарды жұмыспен қамтамасыз ету үшін жеткіліксіз болатынын атап өтті.
Осының нәтижесінде 2025 жылға қарай Қазақстан Республикасында жұмыс орындарының тапшылығы 87 мыңға жетуі мүмкін.
Сондықтан, Нұрымбетовтың пікірінше, алдағы уақытта республикада жұмыс орындарын құруға бағытталған қосымша шаралар қабылдау қажет, әйтпесе жастар жұмыспен қамтылмайтын болады.
Бұған дейін Еңбек министрі егер Қазақстанда коронавирустың жаңа толқыны басталатын болса, онда 2,2 миллион қазақстандық қолдауды қажет ететінін айтқан болатын. Ал, 162 мың азамат мүлдем жұмыссыз қалуы мүмкін.
Сурет: gazetaingush.ru
