Қазақстан Республикасының Еңбек министрі Біржан Нұрымбетов брифинг өткізді, оның барысында Қазақстандағы еңбекақы деңгейі туралы айтты, деп хабарлайды lsm.kz ақпарат ақпарат ресурсы.
Еңбек министрлігінің басшысы мәлімдегендей, біздің еліміздегі жалақы деңгейіне оның көңілі толмайды. Статистика комитетінің ақпаратына сәйкес, Қазақстанда орташа жалақы шамамен 200 мың теңгені, ал ең төменгі жалақы – 42,5 мың теңгені құрайды.
“Бұл салық төлегенге дейін, яғни, орташа жалақысы 200 мың теңге шыққан жұмыс істейтін халықтың 77%-ы, одан төмен алады “, – деді Нұрымбетов.
Министр Қазақстан Республикасындағы жалақы аз екенін мойындады. Дегенмен, 2025 жылға дейін, азаматтардың жалақысы артады деп ол уәде етті. Бұл елдің 2025 жылға дейінгі стратегиялық даму құжатында бар.
Сондай-ақ, Біржан Нұрымбетов Еңбек министрлігі елімізде еңбекақы қандай деңгейге дейін арттыруды жоспарлап отырғанын айтты. Оның айтуынша, орташа жалақы мөлшерін 400 мың теңгеге дейін, ал ең төменгі жалақы мөлшерін 120 мың теңгеге дейін жеткізу көзделіп отыр.
Бұған дейін еңбек министрлігінің басшысы алдағы аптада, атап айтқанда 17 шілдеде, азаматтар 42,5 мың теңге көлемінде әлеуметтік жәрдемақы алуға өтініш бере алатынын айтты.
Сурет: zakon.kz
