“Ақтөбе хром қосылыстары зауыты “АҚ (“АХҚЗ” АҚ) бес адамның өліміне кінәлі дәрежесі 80% құрайды. Бұл туралы Ақтөбе облысының еңбек инспекциясы басқармасының бөлім басшысы Қуаныш Қамиев мәлімдеді.
“Тергеу нәтижесі бойынша жұмыс берушінің 80% кінәсі анықталды: еңбек қауіпсіздігі және еңбекті қорғау ережелерін бұзу және жұмыс өндірісін қанағаттанғысыз ұйымдастыру, зардап шеккен қызметкерлердің кінәсі 20% құрайды: зардап шеккендердің өрескел абайсыздығы. Материалдар процессуалдық шешімдер қабылдау үшін құқық қорғау органдарына беріледі”, – деді Камиев.
Оның айтуынша, 28 мамырда “АХҚЗ” АҚ-ның №4 цехында хромның пигментті сульфаты мен калий бихроматы өндірісі бойынша қойыртпақты қайта өңдеу багында технологиялық жұмыстар жүргізу кезінде жазатайым оқиға орын алып, нәтижесінде бірнеше адам қаза тапты.
“Төрт қызметкер оқиға орнында көз жұмды, екі ер адам ауыр халде ЖМКА-ға жатқызылды. Бірнеше күннен кейін олардың біреуі қайтыс болды. Екінші жағдайы тұрақты деп бағаланады. Аталған факті бойынша комиссия құрылды, оның құрамына еңбек инспекциясы жөніндегі басқарма, өнеркәсіптік қауіпсіздік департаменті, полиция департаменті, облыстық кәсіподақтар және басқа да мемлекеттік органдардың өкілдері кірді. Тергеу 10 жұмыс күні ішінде аяқталды”, – деді бөлім басшысы.
Сурет: kaztag.kz
