Душанбеде 16-20 қазан аралығында тәжік киносы күніне арналған «Дидор» деректі фильмдерінің бірінші халықаралық фестивалі өтеді. Режиссер Владимир Тюлькиннің «13 километр» деректі фильмі Халықаралық байқау бағдарламасы аясында көрсетіледі, деп ХАА «ҚазАқпарат» Ш. Айманов атындағы «Қазақфильм» киностудиясының ресми сайтына сілтеме жасай отырып хабарлайды.
«13 километр» фильмі қыстаудан ауылға баратын соқыр фермердің жолын қадағалайды. Жолда ол өзінің өмірінен ең маңызды эпизодтарды еске алады, бірте-бірте өз жанының шынайы құндылықтарын табады. Картина ҚР Мәдениет және спорт министрлігінің тапсырысы бойынша Ш. Айманов атындағы «Қазақфильм» киностудиясында түсірілген.
Естеріңізге сала кетейік, бұған дейін Бразилияда өткен «Преодоение» («Overcome») халықаралық кинофестивалінде арнайы жүлде, сондай-ақ «Россия» деректі киносының ХХVІІІ ашық фестивалінде «өмір растаушы батыр бейнесін іске асырғаны үшін»қазылар алқасының арнайы сыйлығы табыс етілді. Сонымен қатар, деректі лента «Сильные духом» (Сербия) православиелік фильмдердің халықаралық фестивалінде арнайы сыйлықпен марапатталды.
Айта кету керек, «Дидор» фестивалі аясында «Қазақфильм»киностудиясы өндірісінің тағы 2 суреті көрсетіледі. «Наследие предков» (режиссер Берік Жаханов) және «Чуваши. Қазақстан-менің екінші Отаным » (режиссері Динара Манабаева) әлемдік авторлық деректі киноға арналған конкурстан тыс бағдарламада ұсынылады.
«Дидор» ХҚФ Тәжікстан Республикасы Үкіметінің және «Тәжікфильм»мемлекеттік мекемесі басшылығының қолдауымен өтеді. Айта кету керек, Душанбеде өткен «Дидор» халықаралық кинофестивалінде көркем және анимациялық фильмдерді көрсету (2004 жылдан бастап), ал деректі фильмдер фестивалі биыл алғаш рет өткізіліп отыр.
Ұйымдастырушылардың айтуынша, қатысуға 200-ге жуық жұмыс ұсынылды. Оның ішінде іріктеуден 15 елден 57 деректі фильм өтті.
