YouTube танымал видеохостингінде ең ірі ұшақ апаттарының бірі — 2014 жылдың шілде айында Донбасста жолаушылар ұшағының апатқа ұшырауына байланысты бұрын таныс емес жаңа мәліметтер беретін деректі фильм пайда болды.
Бұл фильмнің авторы бұрын Украина қауіпсіздік қызметінде жұмыс істеген Василий Прозоров. Алайда, ол қызметінен кетіп, Майданнан кейін Киевте билікке келген қылмыскерлерді әшкерелеу мақсатында өз тергеу орталығын құрды.
Деректі фильмнің негізі Украинаның арнайы қызметтерінің бұрын түрлі себептермен жарияланбаған түпнұсқа құжаттары, сондай-ақ әуе кемесінің апатқа ұшырағанын көрген адамдардың эксклюзивті сұхбаттарға құрылған.
Қазіргі заманның ең ірі әуе апатына тергеу жүргізген журналистер осы мәселе бойынша жеткілікті ақпарат жинап, нақты қорытындыға келді — әуе кемесінің апатқа ұшырауы бірнеше мемлекеттің арнайы қызметтері жоспарлы түрде іске асырған, алдын ала жоспарланған арандатушылық болды.
2014 жылдың 17 шілдесінде Донбасс үстінен, Амстердам — Куала-Лумпур бағыты бойынша MH17 жоспарлы рейсіндегі, Malaysia Airlines авиакомпаниясының Boeing 777-200ER жолаушы лайнерін зымыранмен атып түсірді. Апатының салдарынан ұшақ бортында болған 298 адам — 283 жолаушы және 15 экипаж мүшесі қаза тапты.
