ҚР Парламенті Мәжілісінің депутаттары “Қазақстан Республикасының кейбір заңнамалық актілеріне жұмылдыру дайындығы мен жұмылдыру мәселелері бойынша өзгерістер мен толықтырулар енгізу туралы” заң жобасын бірінші оқылымда мақұлдады, деп ХАА “ҚазАқпарат” хабарлайды.
ҚР Ұлттық экономика министрі Руслан Дәленов палатаның пленарлық отырысында заң жобасын ұсына отырып, құжат үш кодекске (Бюджет кодексі, ӘҚБтК, “Халық денсаулығы және денсаулық сақтау жүйесі туралы”) және төрт заңға (“жұмылдыру дайындығы және жұмылдыру туралы”, “Қазақстан Республикасының қорғанысы және Қарулы Күштері туралы”, “азаматтық қорғау туралы”, “Қазақстан Республикасының Ұлттық қауіпсіздігі туралы”) түзетулер енгізуді қарастыратынын атап өтті.
Заң жобасында мыналар ұсынылады:
– жұмылдыру дайындығы саласындағы уәкілетті органға жұмылдыру дайындығы саласындағы мемлекеттік бақылау құзыреті беріледі.
Бақылау мынадай органдарға қатысты жүзеге асырылатын болады:
– бұл Қарулы Күштерді, басқа да әскерлер мен әскери құралымдарды қоспағанда, орталық атқарушы мемлекеттік органдар.
– Қазақстан Республикасының заңдарында көзделген жағдайларды қоспағанда, Қазақстан Республикасының Президентіне тікелей бағынатын және есеп беретін мемлекеттік органдар.
– сондай-ақ жергілікті атқарушы органдар.
“Әкімшілік құқық бұзушылық туралы” кодекстің 462-бабы бойынша Әкімшілік құқық бұзушылық туралы хаттама жасауға құқығы бар лауазымды адамдардың тізбесін жұмылдыру дайындығы саласындағы уәкілетті орган толықтырады. Бұл мемлекеттік органдардың жұмылдыру дайындығы мен жұмылдыру саласындағы жауапкершілігін анықтауға мүмкіндік береді”, – деп түсіндірді Руслан Дәленов
Оның айтуынша, заң жобасында мемлекеттік органдардың жұмылдыру дайындығы саласындағы өкілеттіктері шектеледі.
Осылайша, мемлекеттік органдардың функциялары нақтыланатын болады. Жұмылдыру дайындығы саласындағы уәкілетті органға сақтандыру қорын құру және сақтау саласындағы қызметті үйлестіру жөніндегі құзырет беріледі.
“Бұл қару – жарақ пен әскери техника бұйымдарына, маңызды азаматтық өнімге, сондай-ақ жоғары қауіпті объектілерге, халықтың тыныс-тіршілігін қамтамасыз ету жүйелері мен ұлттық игілік болып табылатын объектілерге арналған жобалық құжаттамаларға арналған техникалық құжаттаманың сақтандыру қоры”, – деп нақтылады Руслан Дәленов.
Бұдан басқа, мемлекеттік материалдық резервті уақтылы жаңартуды қамтамасыз ету үшін жаңа тәсілдер енгізілуде. Бұл материалдық құндылықтарды сақтау пункттерінің жаңартуын енгізу және материалдық құндылықтарды басқа мемлекеттік органдардың балансына өтеусіз негізде беру.
Денсаулық сақтау саласындағы уәкілетті органның және тегін медициналық көмектің кепілдік берілген көлемі шеңберінде қызметін жүзеге асыратын бірыңғай дистрибьютордың жұмылдыру резервінің дәрілік заттар мен медициналық мақсаттағы бұйымдарды жеткізу, сақтау және жаңарту жөніндегі функцияларды орындауы.
“Жалпы заң жобасы жұмылдыру дайындығы мен мемлекеттік материалдық резерв жүйесін одан әрі жетілдіруге бағытталған”, – деді Руслан Дәленов.
