Мүгедек балалардың ата-анасының жеңілдіктері жоқ, сондықтан депутаттар үкіметтен мүгедек баланың қамқоршысына әлеуметтік көмек беру мүмкіндігін қарастыруды сұрады.
“Мүгедек баланың қамқоршысына әлеуметтік мәртебе беру мүмкіндігін қарастыруды сұраймыз. Сондай – ақ, қамқоршылыққа алу тәртібін және балалардың кәмелеттік жасқа толғаннан кейінгі даму ерекшеліктерін (Даун синдромы, аутизм) анықтау туралы шешімді, сондай-ақ мүгедектік тобын, атап айтқанда Даун синдромын анықтау бойынша тәртіп пен нормативтерді қайта қарастыруды сұраймыз”, – деп ұсынды Парламент депутаттары.
Депутаттар көбінесе дамуында проблемалары бар балаларға сәйкес келмейтін топтар берілетінін және ата-аналарға анық нәрселерді дәлелдеуге тура келетінін атап өтті.
“Қамқорлық құжаттарын рәсімдеу үшін 7 айдан 9 айға дейін уақыт кетеді. Бұд уақытта олар жәрдемақы алмайды.Сонымен қатар, Даун синдромы мен аутизмі бар кәмелеттік жасқа толғандарға тағы бір ай бойы психиатриялық емдеу мекемесінде болуға тура келеді”, – деп наразылық білдірді депутаттар.
Мәжілісмендердің айтуынша, қамқоршыларда банк карточкасын қолдану мүмкіндігі жоқ, жәрдемақы жеке шотқа аударылады, ал оны алу үшін қамқоршы банкке келіп, кассадағы кезекте тұруы қажет.
“Бірақ бұл қамқоршылардың барлық әуре-сараңы емес. Ай сайын қамқоршы жұмыспен қамту және әлеуметтік қорғау басқармасы басшысының атына жеке шоттан белгілі бір соманы алуға рұқсат алу туралы өтініш жазып, осы ақша қайда жұмсалғаны туралы толық мәлімет беру керек. Осы санаттағы азаматтарымыздың өмір сүру сапасын арттыру бойынша Үкімет тиісті назар аудармай жүр. Мәселені шешудің маңыздылығын мойындай отырып, мүгедек балалардың қамқоршыларына мемлекеттік қолдау көрсету тәсілін түбегейлі өзгерту қажет”,-деді депутат Мағеррамов.
Сулет: kaztag.kz
