Мәжілісмен Айбек Паяев Жер кодексі мәселелерін шешу бойынша Үкімет белсенді жұмыс істемейтінін мәлімдеді. Бұл туралы zakon.kz жаңалықтар порталы хабарлады.
“Өздеріңіз білетіндей, ҚР Ұлттық экономика министрлігі бастамашылық еткен Жер кодексіне ауыл шаруашылығы жерлерін Қазақстан азаматтарына сату, сондай-ақ Қытайдан келген отандастарымызға жерді жалға алу мерзімін 25 жылға дейін ұзарту бойынша өзгерістер енгізілді. Бұл түзетулер тұрғындарға түсіндірілді және жаңа заң 2016 жылдың 1 шілдесінен бастап күшіне енуі керек еді”, – деп атап өтті депутат.
Оның айтуынша, уәкілетті органдардың заң нормаларын дұрыс түсіндірмеуіне байланысты, Қазақстан тұрғындары шетелдіктер жерді тегін ала алады, ал оларға ауыл шаруашылығы учаскелерін сатып алу керек деп санайды. Нәтижесінде қоғамда дау мен наразылықтар туындады. Сондай-ақ, ол ағымдағы жылдың 31 желтоқсанына дейін ауыл шаруашылығы учаскелерін Қазақстан тұрғындарының жеке меншігіне беруге, ал шетелдіктер үшін жалға алуға мораторий жарияланғанын атап өтті.
“Бұл мораторий қоғамдағы шиеленісті тоқтатуға мүмкіндік берді, Үкіметке қоғаммен бірлесіп Жер кодексінің нормаларын егжей-тегжейлі әзірлеуге және дайындауға уақыт берді. Мораторийдің аяқталуына бір жылдан аз уақыт қалғанын айтуға мәжбүрмін, Жер кодексінің проблемалық мәселелерін шешу бойынша Үкімет тарапынан тиімді жұмыс жүргізілмейді”, – деп толықтырды Паяев.
Парламент мүшесі министрлер кабинетінің басшысы Асқар Маминге ауыл шаруашылығы министрлігіне жұртшылықты осы бағытқа міндетті түрде тарта отырып, жұмысты жеделдетуді, сондай-ақ ұсынылған түзетулерді ашық талқылауды тапсыруды сұрады.
“Президенттің тапсырмасын орындау үшін, осы өзекті мәселені оңтайлы шешу мақсатында, ағымдағы жылдың 1 шілдесіне дейін біз дереу Жер туралы заң қабылдауымыз керек”, – деп қорытындылады мәжілісмен.
Сурет: tengrinews.kz
