Қазақ халқының көп томдық тарихын жазуды ҚР Парламенті Сенаты Білім және ғылым министрлігіне ұсынады.
“Білім және ғылым министрлігі” Бір ел — бір тарих ” тарихи хронологиясына сүйене отырып, қазақ халқының көп томдық тарихын академиялық үлгіде жазу мүмкіндігін қарастырсын, “Қазақстан тарихы” оқулығын ұлттық мүддеге басымдық беретін сенімді деректер негізінде қайта қарасын, оны барлық білім беру мекемелерінің оқу бағдарламаларына енгізсін”, — делінген “жаһандану дәуірінде ұлттық құндылықтарды ілгерілету – кешенді жаңғыртудың негізі” тақырыбындағы парламенттік тыңдаудың қорытындысы бойынша Сенат ұсынымдарында.
Сонымен қатар, Сенат министрлікке жасөспірімдердің бойында ұлттық сана-сезім мен руханиятқа білім беру, тәрбиелеуге ықпал ететін мектепке дейінгі мекемелер мен мектептердің әлеуетін арттыру, мемлекеттік тілді меңгеру бойынша ұсыныстар енгізуді, жас ұрпақты кітап оқуға, оның ішінде көркем және ғылыми-танымдық кітап оқуға тарту, мектепте әдебиетті ұлттық және әлемдік құндылықтармен ұштастыра отыра білім беру бағдарламасы шеңберінде оқу құндылығын насихаттау, жасөспірімдер мен жастар арасында шығармашылық мәдениетін арттыру, мүмкіндіктерін қарастыру ұлттық құндылықтарды дәріптейтін оқулықтар шығару және қол жетімділігін қамтамасыз ету бойынша ұсыныстар енгізуге шақырады.
