Біздің республикамыздың барлық мемлекеттік органдары, соның ішінде министрліктер де қазына қаржысының қаншалықты тиімді пайдаланылатынын халық білуі үшін, өз бюджеттері туралы деректерді жариялауға тиіс. Бұл туралы Мәжіліс депутаты Ирина Смирнова мәлімдеді.
Ол заң бойынша Қазақстанның барлық мемлекеттік органдары өз бюджеттері туралы ақпаратты ұсынуға міндетті екенін айтты. Алайда, тәжірибе көрсеткендей, бұл талапты көбі орындамайды.
“Айта кету керек, барлық министрліктер бұл ақпаратты жарияламайды. Мысалы, Қаржы министрлігі өзінің ведомствосы туралы ақпаратты жариялайды. Басқа министрліктер мұндай ақпаратты ашпайды. Біз осы Заңның орындалуын қамтамасыз етуіміз керек”, – деді депутат.
Осыған байланысты Смирнова еліміздің барлық мемлекеттік органдары өз бюджеттерін жариялау туралы Заңның орындалуын ұсынып депутаттық сауал жолдады.
Сонымен қатар, ол мемлекеттік органдарға бөлінетін қаражат азаматтарға тиесілі, сондықтан олар қаражаттың тиімді немесе тиімсіз жұмсалатынын білуге міндетті екенін баса атап өтті.
Смирнова егер мемлекеттік орган жұмсаған бюджет қаражаты қажетті нәтижеге жеткізбесе, онда мәселені шешу үшін дереу сыбайлас жемқорлыққа қарсы қызметке хабарласу керек екенін айтты.
Сурет: newtimes.kz
