Мәжіліс депутаты Кеңес Әбсатиров барлық қазақстандық қалалар экологиялық тұрғыдан лас екенін мәлімдеді, деп хабарлайды Tengrinews.kz жорналшысы.
Депутат Энергетика министрі Қанат Бозымбаевқа өз сауалында елдің 5 қаласы жоғары дәрежеде ластанғанын атап өтті – бұл Алматы, Екібастұз, Петропавл, Ақсай және Шу. 9 қала – өте жоғары ластанған: Нұр-Сұлтан, Атырау, Өскемен, Балқаш, Теміртау, Қарағанды, Жезқазған, Ақтау және Ақтөбе. Бұл ретте атмосфералық ауаны бақылау қызметтерінен зиянды заттардың рұқсат етілген концентрациясының артуы туралы хабарламалар өте сирек түседі.
Қазақстандық ШРК нормалары халықаралық стандарттармен салыстырғанда төмендетілген.
Ұсақ дисперсті шаңның ШРК қазақстандық орташа тәуліктік нормасы Дүниежүзілік денсаулық сақтау ұйымы ұсынған 0,25 миллиграмм кубометрге қарсы 0,35 миллиграммды құрайды. Халықаралық стандарттар бойынша, республиканың өнеркәсіптік мекемелері бар қалаларды емес, қарапайым ЖЭО бар барлық қалаларды экологиялық тұрғыдан лас деп тану керек.
Кәсіпорындарға тазарту жабдықтарын орнатудан гөрі, шығарындыларды арттырғаны үшін айыппұл төлеу неғұрлым тиімді. Сонымен қатар, экологиялық төлемдерді аударатын кәсіпкерлер, олардың пікірінше, мемлекеттің ақшаны дұрыс жұмсауына қызығушылық танытады.
Депутаттың пікірінше, атмосфералық шығарындыларды қысқарту бойынша қымбат технологияларды алу үшін бизнесмендер жәрдемдесуі қажет.
Депутат Бозымбаевтан қала ауасындағы ластаушы заттардың ШРК нормативтерін ДДҰ ұсынымдарына сәйкестендіріп, әзірленіп жатқан жаңа экологиялық кодексте қоршаған ортаны қорғау бойынша инновациялық шараларды қолданатын табиғат пайдаланушылары үшін салық жеңілдіктерін қарастыруды сұрады.
Сурет: Shutterstock
