Денсаулық сақтау министрі Алматыда эпидемиологиялық жағдайдың дамуына бақылаудың жеткіліксіз екенін атап өтті. Бұл туралы ол санэпидбақылау, медициналық қызмет аумақтық департаменттері мамандарының, жергілікті атқарушы органдар өкілдерінің қатысуымен КВИ-мен күрес бойынша штабтың көшпелі отырысы барысында мәлімдеді, деп хабарлайды “ҚазАқпарат” ХАА.
Кездесу барысында науқастармен байланыста болған адамдарды анықтау, олардың денсаулық жағдайын бақылау және мониторинг жүргізу уақытылы орындалмайтыны атап өтілді. Сондай-ақ, мониторингтік топтар жұмысының тиімділігін арттыру және карантиндік шараларды бұзушыларға уақтылы шаралар қабылдау қажет.
Жеткізіліп жатқан вакцина көлемінің ұлғаюын ескере отырып, вакциналауға жататын контингентті және егу пункттерінің жеткіліктілігін түзету, көшпелі егу бригадаларын ұйымдастыруда халықты вакциналаумен қамту үшін тоңазытқышпен қамтамасыз етілуін бақылау талап етіледі. Соңғы екі аптада Алматының жоғары эпидқауіп аймағында болғанын атап өтіп, ел бойынша КВИ-мен ауыр науқастардың саны ең көп болғаны байқалады, олардың саны 2,7 есеге артты. Бұл ретте ауыр науқастардың ең көп үлесі бірінші тәулік ішінде түсті, бұл медициналық ұйымдардың бастапқы буын деңгейіндегі жұмыстың жеткіліксіздігін көрсетеді.
