Республикалық денсаулық сақтауды дамыту орталығында хабарлағандай, аккредиттеу рәсіміне 95 медициналық ұйым қатысты, оның ішінде 4 (4,2%) медициналық ұйым сараптамалық бағалау нәтижелері бойынша бағалаудан өткен жоқ, 10 (10,5%) медициналық ұйым жоғары санатты, 43 (45,3%) — бірінші санатты және 38 (40%) — екінші санат алды.
Жеке секторлық медициналық ұйымдарының қатысу үлесі 32%-ды, мемлекеттік 68%-ды құрады. Әрбір медициналық ұйым аккредиттеу қорытындысы бойынша тиісті мәртебе алады: жоғары санат, бірінші санат, екінші санат немесе аккредиттелмеген.
ДСДРО аккредиттеу Орталығының басшысы Ботагөз Қаупбаева атап өткендей, аккредиттеудің негізгі міндеті медициналық көмектің сапасы, пациенттер мен қызметкерлердің қауіпсіздігі болып табылады.
«Аккредиттеу қызмет көрсету деңгейін стандарттармен белгіленген деңгейге дейін көтеруге мүмкіндік береді. Аккредитацияны алғысы келетін медициналық ұйымдар жоғары деңгейге ұмтылуы тиіс. Аккредиттеуге қатысу медициналық қызмет нарығында бәсекелестікке мүмкіндік туғызады, ұйымның белгілеген сапа стандарттарына сәйкестігін растайды», — деді Ботагөз Қаупбаева.
2019 жылғы 1 ақпандағы жағдай бойынша Қазақстанда 413 ұйым күші бар аккредиттеу мәртебесіне ие, бұл аккредиттеуге жататын медициналық қызметтерді жеткізушілердің жалпы санының 30%-ын құрайды
Сулет: liter.kz
