Қазақстан Республикасының Денсаулық сақтау министрлігі өзінің серверлері мен ақпараттық жүйелерін вирустан қорғауға 32,3 миллион теңге жұмсауды жоспарлап отыр. Бұл тапсырыс мемлекеттік сатып алу порталында жарияланды, деп хабарлайды»ҚазТАГ» ақпараттық жүйесі.
«Атауы — желілік қауіпсіздік жабдықтары кешені, қосымша сипаттамасы — Денсаулық сақтау министрлігінің серверлері мен ақпараттық жүйелерін вирустан қорғау», — делінген тапсырыс сипаттамасында.
Денсаулық сақтау министрлігінің ақпараты бойынша, желілік қауіпсіздік жабдықтарын жеткізу байқауына қатысуға өтінімдерді қабылдау ертеңнен басталады және жоспарланып отырғандай, биылғы жылдың 13 шілдесіне дейін жалғасады.
Осы жылдың маусым айында KZ-CERT компьютерлік қақтығыстарға әрекет ету қызметінде хакерлер сол кездегі денсаулық сақтау министрі Елжан Біртановтың жалған электрондық поштасын жасап, сол арқылы мемлекеттік органдарға, ұлттық компаниялар мен банктерге шабуыл жасауды жоспарлағанын хабарлады.
Алайда, біздің мамандардың жедел жұмысының арқасында зиянкестер республикамыздың мемлекеттік органдары мен ұлттық компанияларына хакерлік шабуыл жасай алмады.
