Карантиндік шаралар күткен нәтиже бермейді. Бұл туралы Орталық коммуникациялар қызметінің онлайн-брифингі барысында ҚР Денсаулық сақтау министрлігінің ресми өкілі Бағдат Қожахметов мәлімдеді.
«Жағдайдың тұрақтануына қарамастан, карантин шаралары күткен нәтижелерге қол жеткізген жоқ. Науқастардың саны тағы да артып келеді, оны күн сайын көріп отырсыздар. Егер азаматтар санитарлық дәрігерлердің талаптарын орындамаса, қатаң карантиндік шаралар қайтадан енгізілуі әбден мүмкін», — деді Қожахметов.
Оның айтуынша, 7 қазандағы жағдай бойынша 108 362 covid-19 ауруы тіркелген. Соңғы тәулікте инфекция 66 азаматта анықталды, яғни 0,6%-ға өсті. 3 145 науқас емделуде, 103 465 адам сауықты, 1 752 азамат қайтыс болды. 2 сәуірден 7 қазанға дейін 2 551 бала ауырды. Қазір 1 айдан 18 жасқа дейінгі 74 бала ауырып жатыр. Балалар арасында ең көп ауру Шығыс Қазақстан, Солтүстік Қазақстан және Павлодар облыстарында анықталды. Балабақшадағы кезекші топқа барған 3 бала мен 46 оқушы дәрігердің бақылауда.
Қожахметов Денсаулық сақтау министрлігінің қалыптасқан жағдайға алаңдаушылық білдіріп, азаматтардан өзіне және айналасындағыларға мұқият қарауға – бетперде киюге санитайзерлерді пайдалануға, әлеуметтік қашықтықты сақтауға шақырады.
Сурет: forbes.kz
