Денсаулық сақтау бірінші вице-министрі Марат Шоранов Қазақстан болашақта COVID-19-дан 18 жасқа дейінгі балаларды вакциналау мүмкіндігін жоққа шығармайтынын мәлімдеді.
«Қазір көптеген өндірушілер тестілеу жүргізіп жатыр (вакцинаның 18 жасқа дейінгі балаларға әсері туралы — V). Деректерді алу барысында біз осы санатты вакциналауға қосу мүмкіндігін қосымша талдап, бағалайтын боламыз», — деді Шоранов сәрсенбіде ОКҚ брифингінде.
Денсаулық сақтау министрлігі санитарлық-эпидемиологиялық бақылау комитетінің төрайымы Айжан Есмағамбетова 18 жасқа дейінгі балаларға неліктен коронавирусқа қарсы вакцина егуге болмайтынын түсіндірді. «Қазір 18 жасқа дейінгі балалар вакциналанбайды. Бірақ оларды вакциналауға болмайтындықтан емес, дәл осы топтар үшін клиникалық зерттеулер жеткіліксіз болғандықтан вакцина қойылмайды». Қазіргі уақытта 18 жасқа дейінгі балаларға коронавирусқа қарсы вакцина егілмейді.
