Қазақстандық денсаулық сақтау министрлігінің өкілі Диас Ахметшарип Нұр-Сұлтанда коронавирус ауруының жаңа жағдайлары анықталғанын мәлімдеді. Бұл туралы vlast.kz ақпарат агенттігі хабарлады.
Диас Ахметшариптің айтуынша, елордада коронавирустық инфекцияны жұқтырудың 7 жаңа оқиғасы тіркелді. Вирус 25 – 52 жас аралықтарындағы қазақстандықтардан анықталды.
Сонымен қатар, денсаулық сақтау министрлігінің өкілі қазіргі уақытта вирус анықталған қазақстандықтар стационарда орналастырылғанын, олардың денсаулық жағдайы қанағаттанарлық деп бағаланғанын айтты.
Қазақстанның елордасында коронавирус ауруының 25 оқиғасы тіркелді. Біздің елімізде барлығы 44 адам жұқтырғаны анықталды.
Коронавирустық инфекция тек Нұр-Сұлтан мен Алматыда анықталды, сондықтан осы қалаларда бүгіннен бастап карантин режимі енгізілді. Қазақстанның басқа өңірлерінде коронавирус тіркелген жоқ.
Нұр-Сұлтан мен Алматыда карантиндік режим Қазақстанда төтенше жағдай режимін қамтамасыз етуге жауап беретін мемлекеттік комиссияның шешімі бойынша енгізілді. Бұл елдің басқа қалаларында вирустың таралуын болдырмау мақсатында жасалды.
Сурет: ria.ru
