Денсаулық сақтау министрлігі басшысының орынбасары Марат Шоранов енді жұмыс кезінде коронавирустық инфекцияны жұқтырған медицина қызметкерлеріне өтемақы төлемейтінін айтты. Бұл туралы 365info.kz жаңалықтар ресурсы хабарлайды.
Шоранов эпидемиологиялық жағдайдың тұрақтануын және эпидемияның жаңа толқынына дайындық аясында қабылданған шараларды ескере отырып, медицина қызметкерлерінің кәсіби қызметті жүзеге асыру кезінде ауру жұқтыруына жол берілмейтінін түсіндірді.
Сондықтан Денсаулық сақтау министрлігі коронавируспен ауырған дәрігерлерге өтемақы төлеу туралы өтініш қабылдауды тоқтату туралы шешім қабылдады.
Денсаулық сақтау Вице-министрі егер дәрігер жұмыс кезінде инфекцияны жұқтырса, оған кәсіподақ ұйымдарының есебінен қолдау көрсетілетінін нақтылай айтты.
Марат Шоранов эпидемияға қарсы іс-шараларға тартылған медицина қызметкерлеріне ай сайынғы үстемеақылар одан әрі төленетінін атап өтті.
Соңғы мәліметтерге сәйкес, Қазақстанда коронавирусты жұқтырудың 109766 жағдайы ресми түрде расталды. 105 мыңнан астам адам вирустан айықты.
Сурет: baigenews.kz
