Денсаулық сақтау министрлігі басшысының орынбасары Марат Шоранов орталық коммуникациялар қызметінде брифинг өткізіп, журналистердің коронавирусқа қарсы ресейлік және қазақстандық вакциналардың құны туралы сұрағына жауап берді. Бұл туралы zakon.kz ақпарат агенттігі хабарлайды.
Ол Гамалея ұлттық эпидемиология және микробиология ғылыми-зерттеу орталығында жасалған антикоронавирусқа қарсы “Спутник V” дәрі-дәрмектің бағасы бір доза үшін шамамен 20 долларды құрайтынын мәлімдеді.
Отандық коронавирусқа қарсы вакцинаның құны туралы айта келе, Шоранов оның бағасы келесі жылдың қаңтар-ақпанында белгілі болатынын атап өтті.
Денсаулық сақтау министрлігі басшысының орынбасары қазіргі уақытта коронавирусқа қарсы отандық вакцина клиникалық зерттеулердің үшінші соңғы сатысында екенін қосты.
Бұған дейін Қазақстан аумағында, атап айтқанда Қарағанды фармацевтикалық зауытында ресейлік “Спутник V” вакцинасының өндірісі іске қосылғаны хабарланған. Препараттың алғашқы партиясы дайындалып, Ресейге тексеруге жіберілді.
Қазақстанда вакцина өндірісін жолға қою туралы уағдаластыққа бауырлас екі елдің президенттері Қасым-Жомарт Тоқаев пен Владимир Путин қол жеткізді.
Сурет: ukrinform.ru
