Үкімет отырысында ҚР Денсаулық сақтау министрі Алексей Цой Білім беру ұйымдарында санитарлық-эпидемиологиялық талаптардың сақталуына тұрақты бақылауды қамтамасыз ету қажеттігін атап өтті, деп хабарлайды Kazakhstan Today.
Оқытуды офлайн режимде біртіндеп іске қосуды ескере отырып, біз ауырған оқушылар мониторингін күнде жүргіземіз. Оқушылар арасындағы жағдайды тіркеу жалғасуда. Республика бойынша ауырған оқушылардың жалпы саны 0,2 пайызынан аспайды», — деді Цой. Ол офлайн режимде білім алушылар санының артуына байланысты аумақ әкімдері санитарлық-эпидемиологиялық талаптардың сақталуына және білім беру ұйымдарында КВИ-дің алдын алудың негізгі шараларының орындалуына тұрақты бақылауды қамтамасыз етуі қажет екенін атап өтті. Оның айтуынша, карантиндік шаралар өңірлерде және жеке мектепте ауырғандарды ескере отырып, сараланған түрде қолданылады. Білім беру нысандарын офлайн режимінде оқытуға дайындау мақсатында карантин режимі талаптарының сақталуы тұрғысынан 3266 тексеру жүргізілді, оның барысында мектептерде 282 немесе 8,6 пайыз бұзушылықтар анықталды. Қазіргі уақытта барлық анықталған бұзушылықтар жойылды», — деді Цой.
Дереккөз: www.kt.kz
