Медициналық және фармацевтикалық бақылау комитеті басшысының орынбасарының міндетін атқарушы Нұрлыбек Асылбеков брифинг барысында коронавирусқа қарсы «Спутник V» вакцинасының өндірісі Қарағандыда жолға қойылатынын мәлімдеді, деп хабарлайды zakon.kz жаңалықтар ресурсы.
Президент Қасым-Жомарт Тоқаевтың тапсырмасы бойынша коронавирусқа қарсы ресейлік вакцина өндірісін іске қосу мәселесін өзі жұмыс істеп жатқан комитет қарастырғанын айтты.
Асылбеков, сайып келгенде, Қарағанды фармацевтикалық зауытының алаңында өндірісті жолға қою туралы шешім қабылданғанын, бірақ жеке кәсіпорын немесе цех құрылысы жоспарланбағанын айтты.
Денсаулық сақтау министрлігінің өкілі қазіргі уақытта Ресейдің тікелей инвестициялар қорымен келіссөз жүргізіліп жатқанын, оның нәтижесі бойынша өндірісті жолға қою, оның ішінде мамандарды тарту мәселелерін реттейтін келісімге қол қойылатынын айтты.
Қазақстан мен Ресей президенттері Қасым-Жомарт Тоқаев пен Владимир Путин Қазақстанда «Спутник V» вакцинасын өндіруді іске қосуға келісті. Бұл коронавирусқа қарсы дәрі Гамалея ұлттық эпидемиология және микробиология ғылыми-зерттеу орталығында жасалды.
Сурет: gazeta.ru
