Әлеуметтік желілерде Маңғыстау облысының тұрғыны коронавирусқа қарсы вакцина алып, инъекциядан кейін қайтыс болды деген ақпарат тарады. ҚР ДСМ санитарлық-эпидемиологиялық бақылау комитеті бұл ақпаратты жоққа шығарды.
Санитарлық-эпидемиологиялық бақылау комитетінің ресми өкілі Ержан Байтанаевтың айтуынша, жарияланымда Маңғыстау облысы Мұнайлы ауданы Батыр ауылының тұрғыны қайтыс болғаны туралы айтылады.
«1978 жылы туған ер адам ағымдағы жылдың 19 қаңтарында қан қысымының көтерілуіне байланысты қайтыс болды. Ол ешқандай екпе алмаған», — деп хабарлады ведомстводан.
Аталып өткендей, бүгінгі таңда коронавирус инфекциясына қарсы вакцина Маңғыстау облысына әкелінген жоқ.
Вакцинаның бірінші партиясын аймаққа жеткізу 2021 жылдың 28-29 қаңтарына жоспарланған.
«Бірінші кезекте жұқпалы аурулар ауруханаларының, жедел медициналық жәрдемнің, реанимацияның, МСАК-тың, қабылдау бөлмелерінің, санэпидқызмет қызметкерлерінің медицина қызметкерлері вакцинациямен қамтылатынын атап өтеміз. Қайтыс болған азамат бұл санаттардың ешқайсысына жатпайды», — деп комитет атап өтті.
Ведомствода көрінеу жалған ақпарат таратқаны үшін жауапкершілік туралы еске салды.
Сурет: nur.kz
