Қазір Қытайда қауіпті короновирустық инфекцияның өршуі байқалуда. Осыған байланысты қазақстандық тауарлар мен қызметтердің сапасы мен қауіпсіздігін бақылау комитеті еліміздің азаматтарына Қытай провинциялары мен қалаларына барудан бас тартуды ұсынады, деп хабарлайды ҚР Денсаулық сақтау министрлігінің баспасөз қызметі.
Қазақстан денсаулық сақтау министрлігі комитетінің ақпараты бойынша, бұл вирусты жұқтырудың алғашқы жағдайы Қытай Ухань қаласында тіркелген. Қазіргі уақытта дәрігерлер жұқпалы аурудың 198 жағдайын тіркеген, оның ішінде 3-уі өліммен аяқталған.
Сонымен қатар, Жапонияда қытайлық коронавирусты жұқтырудың алғашқы оқиғасы тіркелді. Атап айтқанда, бұл елдің азаматы Қытайдың Ухань қаласына барғанда жұқтырды.
Қалыптасқан жағдайларға байланысты біздің мемлекеттің билігі Қытай инфекциясы Қазақстан аумағына таралмауы үшін, барлық қажетті шаралар қабылдауда.
Қытайдан Қазақстанға келген барлық азаматтар тепловизормен тексеруден өтеді. Сондай-ақ, қазақстандық қалалардан Қытай Ухань қаласына барлық тікелей рейстер тоқтатылды.
Бұған дейін британдық ғалымдар Қытай билігі вирусты жұқтырғандардың саны туралы ресми ақпаратты жасыратынын мәлімдеген. Сарапшылардың пікірінше, бұл көрсеткіш 1700 адамға жақындап келеді.
Сурет: inform.kz
