Қазақстан Денсаулық сақтау министрлігі клиникалық зерттеулердің I/II фазаларының аралық есептерінің нәтижелері отандық QazCovid-in вакцинасының коронавирустық инфекцияға қарсы қауіпсіздігі мен иммуногенділігін көрсетті деп мәлімдеді. Бұл туралы ведомствоның баспасөз қызметі хабарлады.
Қазіргі уақытта қазақстандық COVID-19-ға қарсы вакцина клиникалық зерттеулердің ІІІ кезеңінен өтуде. Оған үш мың азамат жұмылдырылған. Вакцинаның басқа аналогтарымен салыстырғанда біздің препараттың негізіне инактивацияланған вирус, зиянсыз адъювант қосылған, бұл оның қауіпсіздігіне кепілдік береді.
QazCovid-in бірінші фазасына дейін ақ тышқандар, егеуқұйрықтар және сириялық атжалмандар сияқты жануарларға сыналды. Бірінші кезеңге 18-20 жас аралығындағы 40-тан астам еріктілер қатысты, ал екінші кезеңге вакцинаны зерттеуге 200 адам өз үлесін қосты.
“Клиникалық зерттеулердің I/II фазаларының аралық есептерінің нәтижелері отандық QazCovid-in вакцинасының covid-19-ға қарсы қауіпсіздігі мен иммуногенділігін көрсетті. QazCovid-In отандық вакцинасы бойынша клиникалық зерттеулердің І және ІІ фазаларының аралық есебі алынды, оның нәтижелері бойынша бұлшықетке бір және екі рет енгізгенде жақсы төзімділік пен қауіпсіздік байқалды. SARS-CoV-2 вирусына қарсы вакцинаның жоғары иммуногендік белсенділігі анықталды, ол екі рет вакциналаудан кейін айқын көрінеді”, – деп баса атап өтті Денсаулық сақтау министрлігінде.
Сурет: news.myseldon.com
