Брифинг барысында денсаулық сақтау вице-министрі қызметін қоса атқаратын Қазақстанның бас санитарлық дәрігері Ерлан Қиясов республикада коронавирусқа қатысты жағдайдың нашарлауы байқалып отырғанын мәлімдеді.
Оның айтуынша, біздің мемлекетімізде індеттің екінші толқыны басталды. Бұған аурудың өсуі дәлел.
«Біз жағдайдың дамуын пессимистік емес, нақты деп айта аламыз, аурудың өсуін байқай отырып, біз екінші толқынның даму сатысында тұрмыз деп айта аламыз», — деді Қиясов
Билік эпидемиологиялық жағдайдың нашарлауына байланысты инфекцияның одан әрі таралуын болдырмау үшін карантиндік шараларды күшейту мәселесін қарастырып жатқанын атап өтті.
Бас санитарлық дәрігер қазір еліміздің екі аймағы — Ақмола және Қостанай облыстары коронавирус бойынша «қызыл» аймақта, «Сары» аймақта — Солтүстік Қазақстан, Павлодар және Атырау облыстары, Нұр-Сұлтан және Алматы қалалары, қалған өңірлер «жасыл» аймақта екенін нақтылады.
Бұған дейін Қиясов біздің мемлекет аумағында коронавирустық инфекцияның Британдық штаммы анықталмағанын мәлімдеді. Алайда бас санитарлық дәрігер оның республикаға әкелінуі мүмкін екенін жоққа шығармады.
Сурет: kaztag.kz
