Карантин кезеңінде Қазақстанда коронавирустың жаңа түрінің таралуын едәуір қысқартуға және денсаулық сақтау жүйесіне жүктеменің негізгі көрсеткіштерін төмендетуге қол жеткізілді. Бұл туралы ҚР Денсаулық сақтау министрлігінің баспасөз қызметі хабарлады.
Ведомствода атап өткендей, еліміздегі эпидемиологиялық жағдай біртіндеп тұрақтануда.
«Біз дәрігерлеріміздің күш — жігерінің және азаматтардың карантиннің барлық нормаларын сақтауының арқасында індетті тоқтата алдық», — делінген денсаулық сақтау министрлігінің хабарламасында.
Ведомствода атап өткендей, Қазақстан тұрғындары бұрынғысынша бетперде режимін сақтауға және әртүрлі мекемелер мен көліктерде әлеуметтік қашықтықты ұстануға міндетті.
«Инфекция жаңа күшпен басталған кезде алғашқы карантиннен шығу қателіктерін қайталаудың қажеті жоқ», — деді баспасөз қызметі.
Бұған дейін денсаулық сақтау министрлігі елімізде коронавирустық инфекцияның таралуына байланысты жағдайды тұрақтандыруға қол жеткізілгенін хабарлады. Осыған байланысты Қазақстан Үкіметі жұмыс күндері шектеулерді әлсірету туралы шешім қабылдады.
Сурет: eurasia.expert
