Қазақстандық Денсаулық сақтау министрлігі басшысының орынбасары Қамалжан Надыров апатқа ұшыраған ұшақтың қалдықтарының астынан полиция қызметкері Жақсылық Сұлтанов құтқарған сәбидің жағдайы туралы айтты.
Денсаулық сақтау вице — министрінің айтуынша, ведомство қызметкерлері балалар ауруханасын аралап, сәбидің қал-жағдайын білді.Надыров қазір баланың жағдайы тұрақты деп мәлімдеді.
Алматы Қоғамдық денсаулық басқармасының басшысы Тілеухан Әбілдаев, өз кезегінде, қазіргі уақытта әуе апатынан зардап шеккен барлық балалар клиникалық ауруханада, олардың жағдайы тұрақты, өмірлеріне ешқандай қауіп жоқ екенін айтты.
Бұған дейін әлеуметтік желілерде құқық қорғау органдарының қызметкері әуе кемесі апатқа ұшырағаннан кейін кішкентай баланы құтқарған әсерлі бейнеролик пайда болды.
Баланы құтқарған полиция қызметкері Жақсылық Сұлтанов 2006 жылдан бері полицияда жұмыс істесе де, өмірде алғаш рет осындай жағдайға тап болғанын айтты.
