Алексей Цой мен Бақытжан Сағынтаев Алматыда жедел штаб отырысын өткізді, деп хабарлайды zakon.kz.
Қала әкімдігінің ақпараты бойынша, COVID-19-ға қарсы іс-қимылдың өзекті мәселелері қаралды.
Сағынтаев КВИ індетімен күрес аясында қаланың денсаулық сақтау жүйесін күшейту бойынша шаралар қабылданғанын атап өтті. Оның айтуынша, инфекциялық төсек-орындардың қажетті резерві құрылды, дәріхана желісі мен ковидтік госпитальдар үшін дәрі-дәрмектік тұрақтандыру қоры жұмыс істейді.
Әкімнің айтуынша, қабылданып жатқан шаралар жағдайды бақылауға, қаланың денсаулық сақтау жүйесінің “қызуына” жол бермеуге және стационарларға жүктемені эшелондау қағидаты бойынша бөлуге мүмкіндік береді.
Өз кезегінде Денсаулық сақтау министрі Алматыда денсаулық сақтау қызметін дамыту және COVID-19-ға қарсы күрес моделі еліміздің басқа өңірлеріне таралатынын атап өтті.
Сондай-ақ, Цой сәуір айында КВИ вакциналарының жаңа дозасы жеткізілетінін айтты.
Отырыс қорытындысы бойынша Денсаулық сақтау министрі COVID-19-ға қарсы күрес бойынша жұмысты одан әрі жалғастыру мәселелері бойынша бірқатар тапсырмалар берді, – деп атап өтті әкімдікте.
