Қазақстан Республикасының Денсаулық сақтау министрі Алексей Цой әлеуметтік медициналық сақтандыру қоры қайта ретке келтірілетінін айтты, деп хабарлайды zakon.kz ақпарат ресурсы.
Цой мәлімдегендей, біріншіден, жаңа басшылықтың келуімен әлеуметтік медициналық сақтандыру қоры шығыстарының барлық топтары бойынша айқын саясат қамтамасыз етіледі.
Екіншіден, өнім берушілермен бизнес-процестердің тиімділігін арттыру жөнінде шаралар қабылданатын болады. Сонымен қатар қордың шығындары оңтайландырылып, қайта қаралады.
Үшіншіден, Денсаулық сақтау министрі әлеуметтік медициналық сақтандыру қорында кері байланыс арналарын орнату жақсаратынын атап өтті.
Алексей Цой қордың қызметін бағалау және оның жұмысының тиімділігін арттыру бойынша нақты шараларды талқылау үшін экономистер мен қаржыгерлер арасынан сараптамалық алаңдар құрылатынын айтты.
Бүгінгі таңда әлеуметтік медициналық сақтандыру қорының басшысы қызметінде Қазақстан Республикасы Денсаулық сақтау министрінің бұйрығымен тағайындалған Болат Төкежанов еңбек етуде.
Сурет: Id.elorda.info
