Бүгін еліміздің Денсаулық сақтау министрі Алексей Цой орталық коммуникациялар қызметінде брифинг өткізіп, оның барысында эпидемияның таралуы жағдайындағы Денсаулық сақтау министрлігінің қызметі туралы айтты, деп хабарлайды “Қазақпарат” жаңалықтар ресурсы.
Ол қазіргі уақытта ведомствоның орталық аппараты Қазақстанға дәрі-дәрмектерді әкелу рәсімін жеңілдетуге, отандық нарыққа жаңа дәрі-дәрмектерді енгізуге және емдеу схемасын өзгертуге бағытталған жаңа құжаттарды дайындаумен айналысып жатқанын хабарлады.
Бұған қоса, Алексей Цой Денсаулық сақтау министрлігі республикамыздың медициналық мекемелері мен ұйымдарының жұмысын қадағалауы тиіс екенін атап өтті.
“Біз бәрін бақылауымыз керек, өңірлер мен әрбір ұйымның қалай жұмыс істеп жатқанын білуге тиіспіз. Біз жаңа формат онлайн-тексеру енгіздік. Бұл дегеніміз, қазір денсаулық сақтау министрлігінің қызметкерлері нақты уақыт режимінде жергілікті жерлерінде тікелей медициналық ұйымдарға қызметкерлерді қабылдайды. Кеше осындай онлайн-тексеру Атыраудың үш медициналық ұйымында өткізілді. Бұл ретте маман нақты уақытта медициналық ұйымдарды аралап, біздің қызметкерлеріміз нақты мәселелерді шешеді, оларды бағыттайды”, – деді Денсаулық сақтау министрі.
Соңғы мәліметтерге сәйкес, Қазақстан Республикасында коронавирусты жұқтыру жағдайларының саны 49683 – ке жетті, олардың ең көп саны Алматыда, атап айтқанда 6358 жағдай анықталды.
Сурет: zakon.kz
