Қазақстанның денсаулық сақтау министрі Елжан Біртанов Қазақстан президенті Қасым-Жомарт Тоқаевтың жолдауы аясында Денсаулық сақтау саласындағы міндеттерді іске асыру мәселелері бойынша Сенатта өткен үкімет сағатында сөз сөйледі.
Денсаулық сақтау министрлігінің басшысы қатысушыларға медициналық ұйымдарды жабдықтау үшін қосымша қаражат бөлу қажеттігіне назар аударды.
“Жабдықтаудың ең төменгі нормативтеріне сәйкес ел бойынша медициналық техникамен жабдықтаудың орташа пайызы 73% құрайды. Медициналық техникамен жабдықтаудың басым бағыттары – БМСК және ауылдық ұйымдар”, – деді министр.
Сонымен қатар, Елжан Біртанов белгіленген ең төменгі талаптарға сәйкес барлық медициналық ұйымдар 100%-ға жабдықталуға тиіс екенін атап өтті. Осыған орай, ол медициналық ұйымдарды жабдықтау мәселесін шешу үшін қосымша қаражат бөлуді ұсынды.
“Жабдық пен инфраструктура жалпы өлім көрсеткішіне ықпал етіп,денсаулыққа елеулі әсерінін тигізеді”, – деп атап өтті Біртанов.
Сурет: Kapital.kz
