Денсаулық сақтау министрлігінің басшысы Алексей Цой, оның департаменті қазір коронавирус індетіне қарсы танымал емес шараларды қолданғысы келмейтінін айтты, дегенмен олардың арқасында қажетті нәтижеге қол жеткізуге болар еді. Бұл туралы министр ақпарат агенттіктерінің біріне берген сұхбатында мәлімдеді.
Алексей Цойдың айтуынша, қазір бастысы вакциналау және қажетті санитарлық ережелерді сақтау қажет болып отыр.
“Мен аурудың азайғанын атап өткім келеді, бірінші кезекте қарапайым ережелерді сақтау керек, оны бәрі біледі, бірақ, өкінішке орай, бәрі орындай бермейді: бетперде кию, адам көп жиналатын жерлерден аулақ болу, бұқаралық шараларға қатысудан бас тарту. Біз бүгін толық локдаунға, өз кезінде елеулі тиімділігін көрсеткен, қалаларды жабу, т.б. белгілі шараларға оралғымыз келмейді. Радикалды шаралар әрдайым тиімді және оларға оралу арқылы біз жағдайды тезірек өзгертеміз. Бірақ, айтарлықтай зардап шеккен, бизнес пен экономика мүдделерін ескере отырып, инфекцияның таралу тізбегін ішінара бұзуға мүмкіндік беретін тепе-теңдік табылды. Алайда, бұл толық жапқаннан гөрі, баяу жүреді”, – деді ведомство басшысы.
Вакциналау барысына түсініктеме бере отырып, ол жақында эпидемиялық жағдайдың өзгеретінін күтудің қажеті жоқ екенін атап өтті.
“Екі-үш ай ішінде азаматтардың көбі вакциналанғаннан кейін, біз эпидемиялық жағдайда өзгерісті сезінеміз. Вакциналау, әрине, өз әсерін береді, бірақ бұл ұжымдық иммунитет пайда болған кезде, күзге жақын болады”, − деді Цой.
