Қазақстан Республикасының Денсаулық сақтау министрі Алексей Цой елде енгізілген қатаң карантин өз нәтижесін бергенін, осыған байланысты 3 тамыздан бастап режим кезең-кезеңімен жеңілдетілуі мүмкін екенін мәлімдеді, деп хабарлайды ТАСС.
Алексей Цой бұл мәлімдемені бүгін бейнеконференция байланысы арқылы өткен Үкімет отырысында жасады.
Карантин нәтижелері туралы айта келе, министр оның арқасында Қазақстанда сырқаттану көрсеткіші 29%-ға төмендегенін, төсек-орынның қамтылуы 43%-ға азайғанын, вирустан сауыққан азаматтардың саны 63%-ға дейін артқанын атап өтті.
Денсаулық сақтау министрлігі басшысының айтуынша, біздің республикамызда қатаң карантин кезінде еліміздің денсаулық сақтау жүйесіне түсетін жүктеменің негізгі көрсеткіші төмендегені тағы бір оң нәтиже болып табылады.
Осыған байланысты, Алексей Цой Қазақстанда 3 тамыздан бастап індеттің таралуына байланысты енгізілген карантиндік шараларды кезең-кезеңмен жеңілдетуге кірісуге болатынын атап өтті.
Соңғы мәліметтерге сәйкес, біздің республикамызда COVID-19 ауруының 84648 жағдайы тіркелді, олардың ең көп саны Алматыда, атап айтқанда 10965 жағдай. Дегенмен, Қазақстанда 54404 адам коронавирустан емделді.
Сурет: bbc.com
