Қазақстан Республикасы Денсаулық сақтау министрлігінің басшысы Алексей Цой Шанхай Ынтымақтастық Ұйымына мүше елдері әріптестерімен ШЫҰ-ға мүше мемлекеттердің санитарлық-эпидемиологиялық салауаттылық қызметтері басшыларының кеңесін өткізуге қатысты мәселелерді талқылады, деп хабарлайды «ҚазАқпарат» жаңалықтар ресурсы.
Алексей Цой ШЫҰ мемлекеттерінің Денсаулық сақтау министрлерінің онлайн-мәжілісінде сөйлеген сөзінде біздің еліміз биылғы жылдың қазан айында Нұр-Сұлтанда ұйымға мүше елдердің санэпидқызмет басшыларының кездесуін ұйымдастыруға дайын екенін мәлімдеді.
ШЫҰ елдері әріптестері алдында сөйлеген сөзінде Цой бүгінгі таңда бұл ұйым әлемдегі ең ықпалды және ауқымды ұйымның бірі болып табылатынын атап өтті.
Сонымен қатар, ол коронавирус эпидемиясы басталғаннан бері ШЫҰ-ға мүше мемлекеттер өзара белсенді қарым-қатынас жасап, бір-біріне көмек көрсететіп жатқанын атап өтті.
Алексей Цой өз сөзінде коронавирустың таралуына қарсы күресте Қазақстанға ШЫҰ-ға мүше елдердің көрсеткен қолдауы үшін алғысын білдірді.
Бүгінгі күні біздің елімізде COVID-19 жұқтырудың 78486 жағдайы ресми түрде расталды, ал Қазақстанда 49488 адам вирустан емделді.
Сурет: sputniknews.kz
