Денсаулық сақтау министрлігінің басшысы Елжан Біртанов балаларға арналған дәрі-дәрмектер елімізде тегін берілетін болады деп мәлімдеді. Бұл туралы Денсаулық сақтау министрінің баспасөз қызметі хабарлады.
Келесі жылдың 1 қаңтарынан бастап медициналық сақтандыру есебінен балаларға берілетін дәрі – дәрмектерді тегін беруді жоспарлап отырмыз”, – деді Біртанов.
Сондай-ақ, ведомство тегін дәрі-дәрмек алушылардың тізімін кеңейту туралы ойластыруда. Атап айтқанда, дәрі-дәрмектерді сатып ала алмайтын мұқтаж азаматтарды қамтамасыз ету жоспарланып отыр.
Қазіргі уақытта Қазақстанда рецепт бойынша берілетін дәрі-дәрмектердің құны шамамен 300 миллиард теңгені құрайды. Бұрын біздің еліміз барлық соманың үштен бір бөлігін ғана төлей алатын.
“Медициналық сақтандыру жағдайында бұл мәселені толықтай жабуға мүмкіндік беретін қажетті қаржыландыруды ала аламыз”,-деп қортындылады денсаулық сақтау министрі.
