Қазақстан Денсаулық сақтау министрлігінің ресми өкілі Диас Ахметшарип еліміздің бас санитарлық дәрігері Жандарбек Бекшиннің қызметінен кеткені туралы ақпаратты растады, деп хабарлайды «ҚазТАГ» жаңалықтар ресурсы.
Ахметшариптың айтуынша, Жандарбек Бекшин Денсаулық сақтау министрі Елжан Біртановтың бұйрығы бойынша бас сандәрігер қызметінен кетті, бірақ тауарлар мен қызметтердің сапасын бақылау комитеті бастығының орынбасары лауазымын сақтап қалды
10 наурызда брифинг барысында жақын арада Қазақстанда коронавирус пайда болатынын айтқаны Жандарбек Бекшиннің соңғы резонанстық мәлімдемелерінің бірі болды. Кейін оның сөздері БАҚ-та белсенді талқыланып, тіпті көптеген мемдерге себеп болды.
Сонымен қатар, денсаулық сақтау министрлігінің ресми өкілі енді Қазақстан Республикасының Бас санитарлық дәрігері қызметін атқаратын адам туралы айтты.
Диас Ахметшарип мәлімдегендей, енді бұл лауазымды Денсаулық сақтау министрінің бұйрығымен Айжан Есмағамбетова атқарады. Ол бұл тағайындауға дейін ҚР Денсаулық сақтау министрлігі Қоғамдық денсаулық сақтау саясаты департаментінің директоры болып қызмет атқарған.
Сурет: inform.kz
