Қазақстан Денсаулық сақтау министрі Елжан Біртанов коронавирустың таралуына жол бермеу шараларына тартылған медицина қызметкерлерінің еңбекақысына қосылған үстеме ақы туралы айтты. Бұл туралы zakon.kz ақпарат агенттігі хабарлады.
Біртанов бүгінгі таңда еліміздің медицина қызметкеріне жаппай қолдау көрсетіліп, олардың барлығы дерлік еңбекақысына қосымша ақы алды.
Сондай-ақ, денсаулық сақтау министрі дәрігерлерден еңбек және қауіпсіздік жағдайларына түскен шағымдарға назар аударды.
«Бұл мәселені өткен аптада мемлекеттік комиссия қарады. Онда әкімдерге қауіпсіздік шараларын мүлтіксіз сақтау, бейнебақылау, көзбен шолуды қамтамасыз ету тапсырылды. Мысалы, Қарағандыда мұндай шаралар қолға алынды», — деді Біртанов.
Сонымен қатар, Денсаулық сақтау министрі медициналық қызметкерлерге өтініш білдіріп, емделушілермен қарым-қатынас кезінде қауіпсіздік шараларын сақтауды сұрады, себебі кейбір жағдайларда дәрігерлер жұмысқа немқұрайлы қарайтынын атап өтті.
Соңғы мәліметтерге сәйкес, Қазақстан Республикасында коронавирус инфекциясын жұқтырудың 979 жағдайы ресми түрде расталды, олардың ең көп саны Нұр-Сұлтанда — 257 жағдай анықталды.
Сурет: 24.kz
