Қазақстан Денсаулық сақтау министрі Елжан Біртанов онлайн-брифинг барысында біздің республикамыз COVID-19 үдемелі кезеңінен өтіп жатқанын айтты. Бұл туралы Tengrinews.kz ақпарат агенттігі хабарлайды.
Министр Қазақстанда коронавирусты жұқтыру жағдайларының өсу қарқыны 8%-ды құрайтынын хабарлады, алайда бұл науқастардың өсуі мен жағдайды тұрақтандырудың төмендеу көрсеткіші емес.
«Біздің міндетіміз — бес пайыздан, содан кейін бір пайыздан төмен түсу. Сонда індет төмендей бастады деп айтуға болады. Жаңа науқастардың саны стационарлардан шығарылатындардың санынан аз болуы тиіс. Әзірге біз үдемелі кезеңіндеміз», — деді Біртанов.
Соңғы мәліметтерге сәйкес, Қазақстан Республикасында ресми түрде COVID-19 ауруының 2070 оқиғасы тіркелді, бұл ретте олардың ең көп саны — 714 оқиға Алматыда анықталды.
Сонымен қатар, қазақстандық дәрігерлер коронавирустық инфекциядан 515 адамды емдеді, алайда өлім жағдайлары да бар, олардың саны 19. Сонымен қатар індеттің таралуын болдырмау үшін барлық шаралар қабылдануда.
Сурет: zakon.kz
