Алматыда Байсейітова мен Құрманғазы көшелерінің қиылысында қаза тапқан қазақстандық мәнерлеп сырғанаушы Денис Тенге мемориал орнатылады. Бұл туралы «Tengrinews.kz» ақпарат агенттігі хабарлайды.
13 маусымда қазақстандық мәнерлеп сырғанаушының туған күніне орай ескерткіштің салтанатты ашылу рәсімі өтеді.
“Денис әрдайым жарқыраған жұлдыздай, біздің жастарымыз үшін жол көрсетер үлгі, моральдық және қарапайымдылықтың камертоны, бүкіл әлем таңқалдырған керемет талант иесі болды. Мемориал біздің елімізді бүкіл әлемге таныту және құрметке бөлеу үшін күш-жігерін аямай жұмсамаған, Қазақстан атынан жеңіске жеткен ұлы спортшыға табынуға мүмкіндік береді », – деп жазды Instagram ресми қауымдастық бетінде.
Денис Тен мәнерлеп сырғанаудан әлем танып,құрметтеген ең үздік спортшы болды. Осы жылдың ақпан айында мұз шоуына арналған”Денис және достар” атты деректі фильм шықты. Айта кетейік, фильм идеясының авторы Денис Теннің өзі.
Мәнерлеп сырғанаушы өзінің автокөлігінің айналарын ұрлап жатқан қылмыскерлермен қақтығыс салдарынан қаза тапты. Денис Тен санынан пышақ жарақатын алып, соның салдарынан қайтыс болды.Ал қылмыскерлер бас бостандығынан айырылып, қатаң режимдегі колонияларда мерзімін өтеуде.
Сурет: Kp.ru
